• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان ہاکی ٹیم کا کیمپ جاری، پریکٹس گیندیں کم پڑگئیں

آج کا اخبار
اسپورٹس
23 مئی ، 2018
کراچی(اسٹاف رپورٹر) چیمپئینز ٹرافی ہاکی ٹور نامنٹ کے لئےقومی ٹیم کے حتمی ٹرائلز جمعرات24 مئی کو ہوں گے ، ایدھی ہاکی اسٹیڈیم میں ان دنوں کھلاڑیوں کا قومی کیمپ جاری ہے جس میں کھلاڑی دوسیشن میں ٹریننگ کررہے ہیں، کیمپ میں فزیکل فٹنس پر بھی خاص توجہ رکھی گئی ہے، کپتان رضوان سینئر جو ان دنوں بیرون ملک ہاکی لیگ کھیل رہے ہیں، ان کے بارے میں اطلاعات ہے کہ وہ ہالینڈ میں براہ راست ٹیم کو جوائن کریں گے، ایک اطلاع یہ بھی ہے کہ کیمپ میں پریکٹس کے لئے منگائی گئی گیندیں کم ہوگئی ہے جس پر ٹیم کے بعض آفیشلز نے اعتراض کیا ہے۔ قومی ہاکی ٹیم کےہیڈ کوچ رولینٹ اولٹیمنز نے کہا ہے کہ کھلاڑیوں کو فٹنس بہتر بنانے کی ضرورت ہے، ٹیم کی خامیوں کو دورکرنے کی کوشش کررہا ہوں ، پنالٹی کارنر کےشعبہ میں خاص محنت کی ضرورت ہے، لڑکے سخت محنت کر رہے ہیں، ٹیم میں بتدریج بہتری آئے گی ہمارا ہدف ایشین گیمز ہے۔ ٹرافی کے افتتاحی میچ میں بھارت کو ہرائیں گے۔
تازہ ترین