• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہید بینظیر ٹراما سینٹر کے ملازمین کا احتجاجی مظاہرہ

آج کا اخبار
شہر قائد/ شہر کی آواز
30 مئی ، 2018
کراچی (اسٹاف رپورٹر) شہید محترمہ بینظیر بھٹو ایکسیڈنٹ اینڈ ٹراما سینٹر کے ملازمین نے منگل کو بھی کام بند کرکے کراچی پریس کلب کے باہر احتجاجی مظاہرہ کیا ۔ جس سے مریضوں کو شدید پریشانی کا سامنا کرنا پڑا اور ٹراما سینٹرجزوی طور پر بند رہا ۔طبی ونیم طبی عملے کے احتجاج سے درجنوں آپریشن بھی ملتوی ہو گئے ۔ کراچی پریس کلب کے باہر احتجاج کرنے والے ملازمین نے بینرز اور پلے کارڈز اٹھا رکھے تھے جن پر ان کے مطالبات درج تھے اس موقع پر زبردست نعرے بازی بھی کی گئی ۔ مظاہرین کا کہنا تھا کہ صرف ٹراما سینٹر کے ڈاکٹروں کو مستقل کیا گیا ہے اور طبی و نیم طبی عملے اور ملازمین کو مستقل نہیں کیا جس پر احتجاج کر رہے ہیں۔ انہوں نے کہا کہ ادارے میں دو پالیسیاں بنائی گئی ہیں جسے مسترد کرتے ہیں ۔ اس موقع پر ملازمین نے اعلان کیا کہ وہ بدھ کو بھی ٹراما سینٹر میں کام نہیں کریں گے ۔
تازہ ترین