آپ آف لائن ہیں
پیر 13؍محرم الحرام 1440ھ 24؍ ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
نعت: عشقِ سرورؐ نے جب دل میں گھر کر لیا

امید فاضلی

عشقِ سرورؐ نے جب دل میں گھر کر لیا

دل نے بڑھ کر، ہر اک غم کو سر کرلیا

اُنؐ کے در کا تصور، سلامت رہے

گھر میں بیٹھے رہے اور سفر کر لیا

چشمِ حیرت زدہ، ڈھونڈتی رہ گئی

دل نے دیدار اُنؐ کا، مگر کر لیا

ہجرِ طیبہ میں دل، جب بھی تڑپا بہت

رو لیے، ذکرِ خیر البشرؐ کر لیا

دامنِ دل کو پھیلا کے، بطحا تلک

خواہشوں کو بہت مختصر کر لیا

ہو کے وابستہ اُس در سے، عشاق نے

ساری دنیا سے صرفِ نظر، کر لیا

وہ کہیں پھر نہ بھٹکے، جنہوں نے اُمید

اُنؐ کے کردار کو، راہبر کر لیا

Chatاپنی رائے سے آگاہ کریں