فرمان الہی
نماز کے اوقات
وزیراعظم شاہد خاقان عباسی کی کوئٹہ آمد کے سلسلے میں آج زرغون روڈ اور ایئرپورٹ روڈ پر واقع چار نجی تعلیمی ادارے بند رہیں گے۔
کوئٹہ میں بند کیے گئے تعلیمی اداروں میں سینٹ فرانسس گرامر اسکول، کانونٹ، سیکرڈ ہارٹ اور ولڈرنیس اسکول شامل ہیں۔
اسکول انتظامیہ کا کہنا ہے کہ چاروں تعلیمی ادارے وی وی آئی پی موومنٹ کے باعث بند کیے گئے۔
واضح رہے کہ وزیراعظم شاہدخاقان عباسی آج کوئٹہ میں ایئر پورٹ کے توسیع پروجیکٹ اور آئی ٹی یونیورسٹی میں نو تعمیر نیشنل انکیوبیشن سینٹر کا افتتاح کریں گے۔
کوئٹہ ایئرپورٹ کی توسیع کامنصوبہ 2015ء میں شروع کیاگیاتھا جس پر ایک ارب 70کروڑ روپے لاگت آئی ہے۔
منصوبے کے تحت ایئرپورٹ پر اسٹیٹ آف آرٹ پسنجر بورڈنگ برج، چیک ان کاؤنٹرز قائم کیے گئےہیں،اس منصوبے کے تحت بیگیج ہینڈلنگ سسٹم اورجدید امیگریشن نظام قائم کیا گیا ہے ۔
توسیع کے بعد ڈومیسٹک چیکنگ اِن کاؤنٹر 5سے بڑھا کر 12 جبکہ انٹرنیشنل کاؤنٹر بھی 3سے بڑھا کر 12کر دیئے گئے ہیں۔
کوئٹہ ایئرپورٹ پر پہلی بار مسافروں کیلئے ریستوران بھی بنایا گیا ہے جہاں 100مسافر بیک وقت کھانا کھا سکیں گے۔
