• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برساتی نالے کو ڈھانپا اور دیواریں بلند کی جائینگی، میئر کوئٹہ

میرا شہر
کوئٹہ
01 جون ، 2018
کوئٹہ (آئی این پی)میئرکوئٹہ میٹروپولٹین کارپوریشن ڈاکٹرکلیم اللہ خان نے کہاہے کہ محلہ فقیر آباد جیل روڈ ہدہ پر واقع کھلے برساتی نالے کو ڈھانپنے اور اس کی دیواروں کو اونچا کرنے کیلئے وہ پی ایس ڈی پی میں شامل اپنے فنڈز سے رقم فراہم کرینگے ان خیالات کااظہار انہوں نے علاقہ کونسلر عبدالطیف کاکڑ ودیگر کے ہمراہ دورہ برساتی نالے کے دورہ کے موقع پر بات چیت کرتے ہوئے کیا۔ڈاکٹرکلیم اللہ خان نے کہا کہ انہیں گزشتہ دنوں مذکورہ برساتی نالے میں گر کر 4سالہ بچے احد کے جاں بحق ہونے کا افسوس ہے اس سلسلے میں ان کی توجہ علاقہ کونسلر عبدالطیف کاکڑ نے مبذول کرائی جس پرانہوں نے مذکورہ نالے کا خود معائنہ کرنے کا فیصلہ کیا اس سلسلے میں پی ایس ڈی پی میں شامل اپنے فنڈز سے رقم فراہم کروں گا تاکہ برساتی نالے کو ڈھانپا جاسکے اور اس کی دیواریں بھی بلند کی جاسکیں اس سے انسانی جانوں کے ضیاع اور دیگر سے بچاجاسکے گا۔
تازہ ترین