• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹھٹھہ میں پانی کے شدید بحران کے خلاف شہریوں کا احتجاج

آج کا اخبار
سندھ بھر سے
02 جون ، 2018
ٹھٹھہ(نامہ نگار) ٹھٹھہ میں پانی کے شدید بحران کے خلاف شہریوں کا احتجاج۔ تفصیلات کے مطابق ٹھٹھہ میں پانی کے شدید بحران کے خلاف شاہ کمال محلہ اور بھٹوانہ محلہ کے مکینوں نے پیپلز پارٹی کونسلر شاہجہان عارفانی، پرویز عباسی، راحیل عارفانی و دیگر کی قیادت میں ایدھی سینٹر سے پریس کلب ٹھٹھہ تک ریلی نکالی، مظاہرین نے ہاتھوں میں پلے کارڈ اور بینرز اٹھائے ہوئے تھے جن پر مطالبات کے حق میں نعرے درج تھے، مظاہرین نے پریس کلب ٹھٹھہ کے سامنے قومی شاہراہ پر دھرنا دیکر احتجاج کیا، اس موقع پر صحافیوں سے بات کرتے ہوئے مظاہرین نے کہا کہ گذشتہ پندرہ روز سے شاہ کمال محلہ، بھٹوانہ محلہ سمیت دیگر رہائشی علاقوں میں پانی کی سپلائی معطل ہے جس کے باعث شہری شدید مشکلات سے دوچار ہیں، گھروں اور مساجد میں پانی ناپید ہوگیا ہے، رمضان المبارک کے مقدس مہینے میں روزے کی حالت میں عوام پینے کے پانی کے لیے دربدر ہو رہے ہیں اور انہیں مجبوراً گدھا گاڑی والوں سے پانی کے کین خریدنے پڑ رہے ہیں، انہوں نے مطالبہ کیا کہ پانی کا بحران فوری طور پر ختم کرکے شہریوں کو پانی کی فراہمی یقینی بنائی جائے بصورت دیگر احتجاج کا دائرہ وسیع کریں گے۔
تازہ ترین