• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹھٹھہ اور مکلی کے درمیان قومی شاہراہ پر قائم فحاشی کے اڈوں سے نوجوان بے راہ روی کا شکار

آج کا اخبار
سندھ بھر سے
03 جون ، 2018
ٹھٹھہ(نامہ نگار) ٹھٹھہ اور مکلی کے درمیان مرکزی قومی شاہراہ کے کنارے جھونپڑیوں میں بڑی تعداد میں قائم فحاشی کے اڈوں نے نوجوانوں کو بے راہ روی کی جانب راغب کرلیا ہے، خواتین دو سے چھ سال کی معصوم بچیوں کے ہمراہ سڑک کے کنارے کھڑے ہوکر آنے جانے والی گاڑیوں پر سوار شہریوں، خصوصاً نوجوانوں کی توجہ حاصل کرنے کے لیے انہیں اشارے کرتی نظر آتی ہیں جس کی وجہ سے معصوم بچیوں پر بھی برے اثرات مرتب ہو رہے ہیں اس کے علاوہ بعض اوقات ٹریفک حادثات بھی رونما ہوتے ہیں، قومی شاہراہ پر واقع ان اڈوں سے چند قدم کے فاصلے پر مکلی پولیس اسٹیشن اور تعلقہ مختار کار کا دفتر واقع ہے اور پولیس افسران اور اہلکاروں کے علاوہ تمام ضلعی افسران اور عوامی نمائندے اس شاہراہ سے روزانہ گزرتے ہیں لیکن اس کے باوجود ان خواتین کے خلاف کوئی کارروائی نہیں کی جاتی ہے۔ مذکورہ خواتین رات کے اوقات میں گزرنے والی گاڑیوں کو موبائل فون لائٹ کے ذریعہ اپنی جانب متوجہ کرتی ہیں۔ طویل عرصہ سے جاری اس کاروبار سے کئی زندگیاں تباہ ہوگئی ہیں۔ سماجی تنظیموں اور سول سوسائٹی کے نمائندوں نے اعلی حکام سے مطالبہ کیا ہے کہ فوری طور پر ان اڈوں کےخلاف کارروائی کرکے نوجوانوں کو بے راہ روی سے بچایا جائے۔
تازہ ترین