• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عامر خان باکسنگ لیگ کی درخواست ملی نہ کلیئرنس دی،باکسنگ فیڈریشن

آج کا اخبار
اسپورٹس
05 جون ، 2018
کراچی(شکیل یامین کانگا/ اسٹاف رپورٹر) ایشین باکسنگ چیمپئن شپ کیلئے قومی کھلاڑیوں کی تربیت کیلئے کیمپ کا ابھی تک فیصلہ نہیں ہوسکا۔ جنگ سے باتیں کرتے ہوئے پاکستان باکسنگ فیڈریشن کے سیکرٹری جنرل ناصر ٹنگ نے کہا کہ اس وقت ساری توجہ ایشین گیمز پر ہے۔ پی ایس بی سے اگلی میٹنگ چھ جون کو ہے جس میں تربیتی کیمپ کے بارے میں فیصلہ ہوگا۔ ہم نے پندرہ دن قبل ایشین گیمز کیلئے کیمپ لگانے کی درخواست دی تھی لیکن کیمپ کا ابھی تک طے نہیں ہوا۔باکسنگ لیگ کے حوالے سے سوال کے جواب میں ناصر تنگ کا کہنا تھاکہ عامر خان نے لیگ کروانے کیلئے فیڈریشن کو کوئی درخواست نہیں دی، ان کی یا کسی اور کی جانب سے باکسنگ لیگ کروانے کیلئے این او سی جاری کرنے کی اطلاعات بے بنیاد ہیں۔ جو بھی غیرقانونی باکسنگ یا اس طرح کی دیگر سرگرمیاں ہوں گی انہیں کسی قسم کی سپورٹ نہیں کریں گے۔
تازہ ترین