فرمان الہی
نماز کے اوقات
لاہور(نمائندہ جنگ/نیوز ایجنسیاں) چیف جسٹس پاکستان نے سوشل میڈیا پر حقائق کے برعکس ویڈیوز اور تصاویر نشر ہونے پر برہمی کا اظہار کیا اور ریمارکس دیئے کہ ان کی تصویر کو عمران خان کے ساتھ جوڑ دیا جس سے میں آج تک نہیں ملا ،چیف جسٹس نے نشاندہی کی کہ سوشل میڈیا پر منفی رائے عامہ قائم کی جارہی ہے چیف جسٹس پاکستان نے ریمارکس دیئے کہ افسوس کی بات ہے بہت سارے سوشل میڈیا کے اکاونٹس بیرون ملک سے چلائے جا رہے ہیں. ریاستی اداروں پر حملے ہو رہے ہیں اور عوام کو گمراہ کیا جا رہا ہے ،سپریم کورٹ نے اسلام آباد ائیر پورٹ میں بارش کا پانی بھر جانے کے معاملے پر ائیر پورٹ پر آنے والی لاگت کا مکمل ریکارڈمانگ لیا ہے اور آئندہ سماعت پر ائیرپورٹ میں پانی بھرنے کی سی سی ٹی وی فوٹیج بھی پیش کرنے کی ہدایت کی ہے. چیف جسٹس پاکستان جسٹس میاں ثاقب نثار کی سربراہی میں دو رکنی بنچ نے اسلام آباد ایئر پورٹ پر پانی کھڑا ہونے پر از خود نوٹس کی سماعت کی. سماعت کے دوران دو رکنی بنچ نے ایم ڈی پی آئی اے اور اسٹیشن منیجر اسلام آباد کو بھی بلا لیا. سول ایوی ایشن کے نمائندے نے بتایا کہ سوشل میڈیا پر جو ویڈیوز وائرل ہوئی ہیں وہ ڈیڑھ سال پرانی ہیںچیف جسٹس پاکستان نے نشاندہی کی کہ پوری دنیا میں جو ائیر پورٹ بنتے ہیں اس پر بیک وقت دو جہاز لینڈ اور ٹیک آف کر سکتے ہیں لیکن اربوں روپے لگا دیے، اس ائیر پورٹ پر ایک جہاز لینڈ کر سکتا ہے. چیف جسٹس پاکستان کی سربراہی میں دو رکنی بنچ نے اسلام آباد ایئرپورٹ کی تعمیر کے بارے میں تمام ریکارڈ طلب کرلیا اور از خود نوٹس پر کارروائی 13 جون تک ملتوی کر دی
