• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ،اسپنی روڈ سے چھینا گیا رکشہ برآمد، ملزم کزن سمیت گرفتار

میرا شہر
کوئٹہ
14 جون ، 2018
کوئٹہ ( اسٹاف رپورٹر) خروٹ آباد پولیس نے اسپنی روڈ سےدو روز قبل چھینا گیا رکشہ برآمد کر کے سائنس کالج کے طالب علم کو کزن سمیت گرفتار کر لیا ۔سٹیلائٹ ٹائون سے موٹرسائیکلیں چھننے کا بھی اعتراف کر لیا ۔پولیس کے مطابق دو روز قبل امیر اللہ کے رکشے میں دونوں سوار ہو ئے اور راستے میں اسلحے کے زور پر اس سے رکشہ چھین کر فرار ہو گئے۔ خروٹ آباد پولیس نے مقدمہ درج کر کے تلاش شروع کر دی گزشتہ روز ایس ایچ او خروٹ آباد مختیار موسیٰ خیل کو خفیہ اطلاع ملی کہ چھینا گیا رکشہ ایک مکان میں کھڑا ہے جس پر دیگر عملے کے ہمراہ مکان پر چھاپہ مار کر رکشہ برآمد کر کے دو نوجوانوں محمد اویس خان اور اس کے کزن حکمت اللہ کو گرفتار کر لیا۔ پولیس نے بتایا کہ ابتدائی تفتیش میں ملزم محمد اویس نےبتایا کہ وہ حافظ قرآن ہے اور سائنس کالج کا طالب علم ہے جبکہ ملزم حکمت اللہ سٹیلائٹ ٹائون پولیس کو موٹرسائیکل چھننے کی دو وارداتوں میں مطلوب ہے۔ مزید تحقیقات کی جا رہی ہیں ۔
تازہ ترین