• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ کی تقدیر بدلنے کیلئے میدان میں اترے ہیں،سعید ہاشمی

میرا شہر
کوئٹہ
23 جون ، 2018
کوئٹہ( آن لائن )بلوچستان عوامی پارٹی کے بانی رہنماء اور حلقہ پی بی 29 کوئٹہ سے نامزد امیدوار سعید احمد ہاشمی نے کہا ہے کہ ہم کوئٹہ کی تقدیر بدلنے اور بنیادی مساِئل کو حل کرنے کے لئے میدان میں اترے ہیں کوئٹہ کی سیاسی فضاء تبدیل ہوچکی ہے اور فیصلہ بی اے پی کے حق میں آئے گا ان خیالات کا اظہار انہوں نے گزشتہ روز کلی اسماعیل جناح ٹاؤن کلی شابو اور کلی برات کے نمائندہ وفود سے ہاشمی منزل میں ملاقات کے دوران بات چیت کرتے ہوئے کیا اس موقع پر انہوں نے کہا کہ پہلی بار یہ علاقے میرے حلقے میں شامل ہوچکے ہیں اور ہمیں خوشی ہے کہ کلی اسماعیل شابو پائندہ خان کےبنیادی مسائل کو حل کرنے کا موقع ملے گا، ان علاقوں کی پسماندگی گزشتہ روز دیکھ کر بڑا افسوس ہوا کہ اس سے پہلے منتخب نمائندے یہاں کے ووٹوں سے اسمبلی پہنچ کر عوام کا حق کیوں ادا نہیں کرسکے،سعید احمد ہاشمی سے اس موقع پر علاقے کے سپورٹس کلبوں کے نمائندوں نے بھی ملاقات کی اور سپورٹس کو درپیش مسائل سے انہیں آگاہ کیا سعید ہاشمی نے یقین دہانی کرائی کہ علاقے میں سپورٹس کی ترقی اور سہولتوں کی فراہمی پر بھرپور توجہ دی جائے گی ۔
تازہ ترین