فرمان الہی
نماز کے اوقات
ملتان سے لاہور جانے والی تیزرفتارمسافربس کوٹ رب نواز کے قریب اُلٹ گئی ، حادثے میں 2 مسافر جاں بحق اور 20 زخمی ہوگئے۔
ریسکیو ذرائع کے مطابق ملتان سے لاہور جانے والی بس کو بابر چوک پرحادثہ پیش آیا جس کے نتیجے میں دو مسافرموقع پرجاں بحق ہوگئے، جن میں سے ایک مسافر کی شناخت دولت گیٹ ملتان کے رہائشی ریحان کے نام سے ہوئی ہے۔
حادثے میں 20 مسافر زخمی ہوئے، 16 زخمیوں کو نشتر اسپتال منتقل کیا گیا جبکہ 4 زخمیوں کو موقع پر طبی امداد فراہم کی گئی، بس میں سے تمام زخمی مسافروں کو بحفاظت نکال لیا گیا ہے۔
عینی شاہدین کے مطابق ڈرائیور کو سڑک پر اسپیڈ بریکر نظر نہیں آیا جس سے بس اُلٹ گئی۔
