• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سر اٹھا کر سیاست کی،ن لیگ،پی ٹی آئی کی طرف نہیں دیکھا،چوہدری نثار

آج کا اخبار
اہم خبریں
25 جون ، 2018
اسلام آباد( نمائندہ جنگ) چوہدری نثار علی خان نے کہا ہے کہ کبھی ن لیگ یا پی ٹی آئی کی طرف نہیں دیکھا،سراٹھا کرسیاست کی ہے، نوازشریف سے کس بات پراختلاف ہے جلد قوم کے سامنے سچ لاؤں گا، زندگی میں کبھی ڈیل نہیں کی، جلد بتاؤں گا ،آزاد الیکشن کیوں لڑ رہا ہوں،ایک عمران خان کی ٹکٹ لیکر بڑی بڑی باتیں کررہا ہے ،عوام بوریا بسترگول کردیں گے۔ان خیالات کا اظہار انہوں نے دھمیال میں جلسے سے خطاب کرتے ہوئے کیا۔انہوں نے کہا کہ جنہوں نے کسی کوفائدہ نہیں پہنچایا وہ عمران خان کوکیا فائدہ پہنچائیں گے؟ کوئی ٹکٹ کے ساتھ آئے یا بغیرٹکٹ عوام رد کرکے بھیجیں گے،ایک اعلان کیا اور مخلوق اکٹھی ہوگئی، الیکشن سے پہلے ہی فیصلہ ہوگیا ہے، میرے حلقے کے عوام نے مجھے حوصلہ دیا اور میرا سربلند کردیا ہے،انہوں نے کہا کہ بہت سروے رپورٹس آتی ہیں، ایک رپورٹ دھمیال سے بھی آئی ہے،عوام میرے اور اپنے مخالفین کا بوریا بسترگول کرنے والے ہیں۔
تازہ ترین