فرمان الہی
نماز کے اوقات
سکھر (خبرایجنسی)پاکستان پیپلزپارٹی کے رہنما اور سابق اپوزیشن لیڈر خورشید شاہ نے کہا ہے کہ سکھر گھوم کردیکھیں آپ کو بڑے بڑے پروجیکٹس نظرآئیں گے، اقتدار میں آکر مزدور کی کم از کم اجرت20 ہزار روپے کریں گے ۔سکھر میں جلسے سے خطاب کرتے ہوئے خورشید شاہ نے کہاکہ پیپلزپارٹی نے اپنے دورحکومت میں این ایف سی ایوارڈ دیالیکن 8 سال گزر گئے اور دوبارہ این ایف سی ایوارڈ نہیں دیاگیا، صوبوں کواختیارات نہیں دیئے جارہے،پیپلزپارٹی نے بینظیر انکم سپورٹ پروگرام شروع کیاجبکہ سکھر میں مزدوروں کا مفت علاج اور دوائیں دی جارہی ہیں۔خورشید شاہ نے کہا کہ صاف و شفاف الیکشن چاہتے ہیں، صاف و شفاف الیکشن نہ ہوئے تو خطرناک ہوگاجبکہ ہم پاکستان عوام کی رائے سے حکومت چاہتے ہیں، عوام ووٹ انہیں دیں جنہیں وہ دینا چاہتے ہیں،عوام ووٹ انہیں دیں جو عوام کے مسائل سمجھتے ہوں۔
