فرمان الہی
نماز کے اوقات
الیکشن 2018ء کی مہم کے دوران سیاستدانوں کو جہاں عوام کے تیکھے ،کڑوے سوالات اور ردعمل کا سامنا ہے وہیں ان کے حمایتی میدان میںآگئے ہیں۔
سابق اپوزیشن لیڈر خورشید شاہ جنہیں پنوعاقل میں 10سالہ کارکردگی کے سوال کا سامنا تھا ،روہڑی میں ایک جیالے نے شدت جذبات میں ان کے چہرے کا بوسہ لے لیا ۔
روہڑی شہر کے مضافاتی علاقے اچھی قبی میں خورشید شاہ نے انتخابی ریلی نکالی ،ریلی میں موجود جیالے نے خورشید شاہ ایک نہیں دو بوسے لئے وہ اور بوسہ لینے کا بے حد اصرار کرتے رہے تاہم اس سے کتراتے رہے ۔
ریلی میں موجود مقامی رہنمائوں نے بھی جیالے کو روکنے کی کوشش کی لیکن وہ کامیاب نہ ہوئے اور پرجوش جیالہ اپنے مقصد میں کامیاب ہوگیا ،جس پر خورشید شاہ نے ناگواری کااظہار کیا اور جیالے سے ہاتھ چھڑوالیا۔
گزشتہ روز پیپلزپارٹی کے چیئرمین بلاول بھٹو کو عبداللہ شاہ غازی کے مزار پر حاضری کے موقع پر ایسی ہی صورتحال کا سامنا کرنا پڑا تھا ،جس پر انہوں نے انتہائی ناگواری کا اظہار کیا ۔
