فرمان الہی
نماز کے اوقات
لندن سے ملنے والی اطلاعات کے مطابق مسلم لیگ ن کے قائد نواز شریف اور مریم نواز نے وطن واپسی کا فیصلہ کرلیا ہے۔
ذرائع کے مطابق نواز شریف اورمریم نواز رواں ہفتے پاکستان میں ہوں گے، مریم نواز کی پہلے وطن واپسی کی تجویز بھی زیرغور ہے، واپسی کا فیصلہ سینیئر لیگی قیادت سے مشاورت کے بعد کیا گیا ہے۔
وطن واپس آکر دونوں رہنما مسلم لیگ ن کی انتخابی مہم کی قیادت کریں گے، نواز شریف نے مختلف شہروں میں انتخابی مہم چلانے کے لیے انتظامات کی ہدایت کی ہے۔
ذرائع کے مطابق بیگم کلثوم نواز کا آج تفصیلی طبی معائنہ ہوگا اور سی ٹی اسکین بھی کیا جائے گا، منگل کو نواز شریف کی ڈاکٹروں سے تفصیلی ملاقات بھی ہوگی ۔
