فرمان الہی
نماز کے اوقات
لندن (جنگ نیوز) سابق وزیراعظم نواز شریف کی صاحبزادی مریم نواز کا کہنا ہے کہ جیپ خلائی مخلوق کا نشان بنتی جا رہی ہے اور جیپ کو ڈالا جانے والا ووٹ خلائی مخلوق کو جائے گا۔ ہمارے لوگوں میں سے کسی نے وفاداری تبدیل نہیں کی بلکہ ان سے وفاداری تبدیل کرائی گئی ہے۔ ان خیالات کا اظہار انہوں نے لندن میں میڈیا سے گفتگو کرتے ہوئے کیا۔ مریم نواز کا کہنا تھا کہ وہ اور ان کے والد پاکستان جانے کیلئے تیار بیٹھے ہیں اور والدہ کی حالت بہتر ہوتے ہی پاکستان چلے جائیں گے۔ ان کا کہنا تھا کہ میاں صاحب نے اداروں کے بارے میں کوئی بات نہیں کی ہے، میاں صاحب کے یہ کہنے میں کیا غلط ہے کہ’ ادارے اپنی حدود میں رہیں‘۔ دوسری جانب میاں نواز شریف کے صاحبزادے حسین نواز نے کہا ہے کہ ان کی والدہ کلثوم نواز کی پھیپھڑوں کی سرجری کامیاب رہی۔ یہ چھوٹی مگر ضروری سرجری تھی اور وہ اب بھی وینٹی لیٹر پر ہی ہیں۔
