• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

’’گھر جانا ہے، نہیں چاہتے کہ زیادہ ہوم ورک ملے‘‘

تازہ ترین
بین الاقوامی خبریں
07 جولائی ، 2018


تھائی لینڈ کے غار میں پھنسے بچوں نے اپنے ایک پیغام میں کہا ہے کہ وہ باہر نکلنے کے بعد فوری گھر جانا چاہتے ہیں اور وہ نہیں چاہتے کہ انہیں کلاس ٹیچرز کی جانب سے زیادہ ہوم ورک ملے ۔

غار میں پھنسے بچوں کو اپنے گھر والوں کی یاد ستانے لگی، گھر والوں کے نام پیغام میں ان کیلئے اپنی محبت کا اظہار کیا، جونیئر فٹ بال ٹیم کے کوچ نے بچوں کے والدین سے معافی بھی مانگی۔

’’گھر جانا چاہتے ہیں، نہیں چاہتے کہ ٹیچر زیادہ ہوم ورک دے ‘‘

تھائی بحریہ نے ایک نوٹ جاری کیا ہے جس میں بچوں کے ساتھ غار میں موجود کوچ نے بچوں کے والدین سے معافی مانگی ہے، بچوں نے اپنے خیریت سے متعلق اپنے والدین کو آگاہ کیا ہے۔

واضح رہے کہ دو ہفتے قبل تھائی لینڈ کے شمالی صوبے چیانگ رائی میں لا پتہ ہونے والے 12بچے اپنے کوچ کے ساتھ ایک غار میں موجود ہیں جہا ں سے انہیں باہر نکالنے کی کوششیں کی جارہی ہیں۔

’’گھر جانا چاہتے ہیں، نہیں چاہتے کہ ٹیچر زیادہ ہوم ورک دے ‘‘

ذرائع کے مطابق ریسکیو ٹیم کے پاس تیز بارش آنے سے پہلے انہیں باہر نکالنے لے لیے ’محدود وقت‘ بچا ہے۔ ریسکیو آپریشن کے سربراہ اور چیانگ رائی کے سابق گورنر ’نارونگس اوساتاناورن‘نے رات گئے میڈیا سے بات کی۔

ان کا کہنا تھا کہ ’’سب سے اہم نقطہ یہ ہے بارش نہ جانے کب دوبارہ شروع ہو جائے، لہذا ہمارے پاس محدود وقت ہے‘‘۔ انہوں نے کہا کہ وہ خطرے کو کم کرنا چاہتے ہیں،تاہم غار کے اندر آکسیجن کی سطح میں کمی بھی 'بڑی تشویش کی بات ہے۔

’’گھر جانا چاہتے ہیں، نہیں چاہتے کہ ٹیچر زیادہ ہوم ورک دے ‘‘

گزشتہ روزریسکیو آپریشن کے دوران تھائی لینڈ کے ایک غوطہ خور کی موت کے بعد مہم کی ٹیم کے سربراہ نے یہ انتباہ جاری کیا کہ ریسکیو آپریشن میں تھائی لینڈ کی بحریہ، فوج، پولیس اور رضاکار بارش کے بعد غار میں بھرے پانی کونکالنے میں لگے ہوئے ہیں۔

’’گھر جانا چاہتے ہیں، نہیں چاہتے کہ ٹیچر زیادہ ہوم ورک دے ‘‘

واضح رہے کہ غار میں پھنسے فٹ بال ٹیم کے رکن بچوں کی عمر 11 سے 16 کے درمیان ہےاور یہ تیرنا نہیں جانتے، اس لئے انہیں غار کے تنگ، گہرے اور کیچڑ بھرے راستے میں تیراکی سکھائی جا رہی ہے۔

ریسکیو ٹیم کے پاس غار میں پھنسے بچوں کو محفوظ نکالنے کے لئے محدود آپشنز ہیں ۔جن میں سے ایک یہ کہ امدادی ٹیم بچوں کو آکسیجن کی فراہمی جاری رکھتے ہوئے 4 ماہ تک مون سون ختم ہونے کا انتظار کرے یا پھر پہاڑ کو کاٹ کر اس میں سوراخ بنا کر بچوں کو باہر نکالنے کی کوشش کرے۔

’’گھر جانا چاہتے ہیں، نہیں چاہتے کہ ٹیچر زیادہ ہوم ورک دے ‘‘

خیال رہے کہ غار میں پھنسے ہوئے بچے 23 جون کو فٹ بال میچ کھیلنے کے بعد کوچ کے ساتھ غار دیکھنے گئے تھے اور بارش کے بعد غار میں پانی بھرنے اور دروازے بند ہونے کے بعد بچے غار میں پھنسے ہوئے ہیں۔


تازہ ترین