• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں وارداتیں ، شہری نقدی ، زیورات ، موبائل فون، موٹرسائیکلوں سے محروم

میرا شہر
ملتان
08 جولائی ، 2018
ملتان (سٹاف رپورٹر) شہر میں چوری ،ڈکیتی اور ر ہزنی کی وارداتوں میں متعدد شہری نقدی ، زیورات ، موبائل فون ، موٹرسائیکلوں ، مویشی اور دیگر لاکھوں روپے مالیت کے سامان سے محروم ہوگئے، تھا نہ سیتل ماڑی کے علاقے سمیجہ آباد میں 2 موٹرسائیکل سوار مظہر تاج کی ہمشیرہ سے نقدی موبائل 40ہزار روپے چھین کر فرارہوگئے۔تھا نہ کینٹ پولیس کے علاقہ نواں شہر چوک سے رضوان سے 2موٹرسائیکل سواروں نےموبائل فون چھین لیا ،بستی ملوک کے علاقے گردیزی موڑپر عمران خالد کی فیکٹری سے 4ڈاکوئوں نے 30لاکھ مالیت کی بھیڑ بکریاں لوٹ لیں، تھا نہ قادر پورراں کے بستی گلابی والی کے قریب 2ڈاکو ساجد سے نقدی 28ہزار 6سوروپے چھین کرفرارہوگئے ،صدر جلالپور بھپلاموڑ پر 3ڈاکومحمد عمرفان سے نقدی، موبائل فون 70ہزار روپے مالیت چھین کر فرارہوگئے، الپہ مبارک پور میں عمران کے گھر سے نقدی ، موبائل 27ہزار روپے ، الپہ موضع متی تل کے قریب پولیس ملازم جاوید کے گھر سے2لاکھ مالیت کی دو گائے ، اندرو ن لوہاری گیٹ میں محمد افضل کے گھر سے ساڑھے 5لاکھ اور ساڑھے 7تولے طلائی زیورات نامعلوم ملزمان چوری کرکے فرارہوگئے۔تھا نہ کوتوالی سے جواد ، سٹی شجاع آباد سے احتشام الحق ، ممتاز آباد سےپولیس ملازم محمد علی،قطب پور سے عبدالقادرکی موٹرسائیکلیں نامعلوم افراد چوری کرکےفرارہوگئے،قطب پور کے علاقے سے خرم تنویرکا میٹر سوئی گیس ہوگیا ،صدر جلالپور سے زنیب خاتون کی گائے ، قطب پور چکی لوہار میں جبران کے گھرسے تالے توڑ کر 52ہزار مالیت کے 3موبائل ، 20ہزار روپے اور 22ہزار مالیت کے پرائز بانڈز چوری کرلئے گئے، تھا نہ مظفرآباد کے علاقے حامد پور میں عبدالقیوم کے گھر سےتالے توڑ کر ایک لاکھ 25ہزار روپے مالیت کے زیورات ، ایل سی ڈی اور دیگر گھریلوسامان چوری کرلیا گیا ، تھا نہ بی ذیڈ کے علاقے طارق آبادمیں محمد دلبر کے گھر سے 90ہزار روپے مالیت کے 3موبائل فون نامعلوم ملزمان چوری کرکے لے گئے، متعلقہ پولیس نے ملزمان کیخلاف مقدمات درج کرکے کارروائی شروع کردی ۔
تازہ ترین