• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سرگودھا،پی پی 77‘چائے فروش شبیرحسین چھبہ بھی انتخابی دنگل میں

آج کا اخبار
اہم خبریں
11 جولائی ، 2018
 سرگودھا(ملک محمد اصغر )عام انتخابات میں یوں تو بڑے بڑے سرمایہ دار ‘ جاگیردار اور وڈیرے انتخاب میں حصہ لے رہے ہیں ان وڈیروں اور جاگیرداروں کے درمیان سرگودھا کا 1122کے نام سے مشہور شبیر حسین چھبہ بھی صوبائی اسمبلی کے حلقہ پی پی 77سے انتخاب لڑ رہا ہے۔ سرگودھا کے علاقہ واٹر سپلائی روڈ پر واقعہ چائے کے ہوٹل کا مالک شبیر حسین عرف چھبہ ملی مسلم لیگ کے پلیٹ فارم سے صوبائی اسمبلی کے انتخاب میں حصہ لے رہا ہے شبیر حسین عرف چھبہ کو علاقہ کے لوگ ریسکیو 1122کے نام سے بھی جانتے ہیں۔شبیر حسین عرف چھبہ کا کہنا ہے کہ ماضی کی حکومتوں میں منتخب ہونے والے اراکین اسمبلی نے محض عوام کے ساتھ جھوٹے وعدے کیے۔پیٹ پالنے والا غریب شبیر حسین عرف چھبہ دن بھر چائے فروخت کرکے اپنی اور بچوں کی دیہاڑی بھی کماتا ہے جبکہ اس دوران وقت نکال کر اپنی انتخابی مہم کے لیے بھی نکل پڑتا ہے علاقہ کے مکین شبیر حسین عرف چھبہ کی انتخابی میں اس کی بھر پور حوصلہ افزائی بھی کر رہے ہیں۔
تازہ ترین