• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان ایشین گیمز ہاکی چیمپئن شپ جیت لے گا، کپتان رضوان

آج کا اخبار
اسپورٹس
12 جولائی ، 2018
کراچی (اسٹاف رپورٹر) قومی ہاکی ٹیم کے کپتان محمد رضوان سینئر نے کہا ہے کہ ایشین گیمز میں کارکردگی اس سے بہتر ہوگی، امید ہے کہ پاکستان ایونٹ جیت جائے گا۔اسلام آباد میں میڈیا سے بات چیت کرتے ہوئے انہوں نے کہا کہ غیر ملکی کوچ اور ٹرینر کے آنے کے بعد اب شکست کی کوئی گنجائش نہیں ہونی چاہیے ۔چیمپئنزٹرافی کی تیاری کیلئے ہمارے پاس وقت کم تھا، بطور کپتان میں توہار کر آیا ہوں لیکن جب ٹیم جیتے تو کریڈٹ کپتان اور کوچ کو ملتا ہے اسی طرح شکست پر ذمہ داری بھی کپتان اور کوچ کی بنتی ہے ۔ اب ایشین گیمز پر توجہ ہے۔ انہوں نے کہاکہ غیر ملکی کوچ کی بارہ لاکھ تنخواہ پر جواب ہاکی فیڈریشن ہی دے سکتی ہے ،کھلاڑیوں کی تنخواہ میں بھی اضافہ ہونا چاہیے۔ انہوں نے کہاکہ ملک میں آسٹرو ٹرف ہونگے تو زیادہ ہاکی کھیلی جائے گی ، جونیئر کھلاڑی گھاس پر ہاکی کھیل رہے ہیں۔
تازہ ترین