• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف اور مریم نواز کے خلاف فیصلوں پرمسلم لیگ ن ناروے کا احتجاج

آج کا اخبار
یورپ سے
14 جولائی ، 2018
اوسلو(نیوز ڈیسک) پاکستان مسلم لیگ ن ناروے کے خصوصی مشاورتی اجلاس میں سابق وزیر اعظم نواز شریف اور مریم نواز کی پاکستان واپسی اور ان کے خلاف نیب کورٹ کی طرف سے دی جانے والی سزاؤں پر تفصیلی گفتگو کی گئی جس میں پاکستان مسلم لیگ ن ناروے کی قیادت نے بھرپور شرکت کی۔ مشاورتی اجلاس میں پاکستان مسلم لیگ ن ناروے کے چیف آرگنائزر خالد نذیر بٹ، جنرل سیکرٹری منصور عادل، جوائنٹ سیکریٹری شاہد تنویر بٹ، سیکریڑی فنانس عامر لطیف بٹ، مرکزی رہنما چوہدری خالد محمود، ناصر خان اور دیگر شامل ہیں۔اجلاس سے خطاب کرتے ہوئے خالد نذیر بٹ نے کہا کہ نواز شریف لوگوں کے دلوں پر حکمرانی کرتے ہیں اور اس کی وجہ ان کے کیے گئے وہ کام ہیں جو پاکستان کی ستر سالہ تاریخ میں پہلے کبھی نہیں ہوئے۔ منصور عادل نےکہا کہ نواز شریف کو پاکستان کو ترقی کی راہ پر گامزن کرنے کی سزا دی گئی ہے جس کی وہ بھرپور مذمت کرتے ہیں اور عوام 25 جولائی کو شیر پر مہر لگا کر ثابت کر دیں گے کہ نواز شریف ہی پاکستان کے مقبول ترین رہنما ہیں۔ مسلم لیگ ن ناروے کے دیگر قائدین نے خطاب کرتے ہوئے نواز شریف اور مریم نواز کے خلاف نیب عدالت کے فیصلے کو تنقید کا نشانہ بنایا۔اس موقع پر ووٹ کو عزت دو اور نواز شریف زندہ باد کے نعرے بھی لگائے گئے۔
تازہ ترین