فرمان الہی
نماز کے اوقات
کراچی ( اجمل خٹک کشر) لسبیلہ اور گوادر پر مشتمل این اے 272 میں نوتشکیل شدہ بلوچستان عوامی پارٹی (باپ) نے اپنی سرگرمیاں شروع کردی ہیں۔ اس پارٹی کے صدر جام کمال خان بلوچستان نیشنل پارٹی کے سربراہ سردار اختر جان مینگل اور سابق اسپیکر بلوچستان اسمبلی اسلم بھوتانی کے درمیان زبردست مقابلہ متوقع ہے۔ یہا ں حاصل خان بزنجو نے نیشنل پارٹی کے امیدوار خورشید رند کو اسلم بھوتانی کے حق میں دستبردار کرایا ۔اسی طرح پیپلزپارٹی نے این اے 272 پر سردار اختر جان مینگل کی حمایت کا اعلان کیا ہے۔ سردار اختر جان مینگل نے پی بی 50 بیلہ اوتھ سے اپنے امیدوار کو دستبردار کرواکے پاکستان پیپلزپارٹی کے امیدوار حسن جاموٹ کی حمایت کا اعلان کیا۔ پیپلزپارٹی اور بی این پی کے درمیان لسبیلہ میں سیٹ ٹو سیٹ ایڈجسٹمنٹ سے انتخابی ماحول میں تیزی آگئی ہے۔جام کمال خان این اے 272 لسبیلہ گوادر پی بی 50 بیلہ اوتھل سے الیکشن میںحصہ لے رہے ہیں اور یہاں مقابلہ سخت ہے۔۔ وڈیرہ حسن جاموٹ پہلی مرتبہ الیکشن میں حصہ لے رہے ہیں۔ پاکستان پیپلزپارٹی نے انہیں ٹکٹ دیا ہے اور وہ پی بی 50 پر انتخابی مہم میں مصروف ہیں ۔ وڈیرہ محمد حسن جاموٹ پی پی پی کے ٹکٹ پر جام کمال خان کا مقابلہ کررہے ہیں۔ انہیں بی این پی کی حمایت حاصل ہے۔ پیپلزپارٹی اور بی این پی مینگل کے لسبیلہ کی سطح پر انتخابی الائنس نے لسبیلہ کے ایک قومی اور دو صوبائی نشستوں پر معرکے کو سنسنی خیز بنادیا ہے۔ اس وقت 272 لسبیلہ گوادر سے بلوچستان نیشنل پارٹی کے صدر سردار اختر جان مینگل آزاد امیدوار اسلم بھوتانی اور بلوچستان عوامی پارٹی کے صدر جمام کمال خان کے درمیان کانٹے کے مقابلہ ہوتا نظر آرہا ہے۔ جبکہ پی بی 50 پر وڈیرہ حسن جاموٹ اور جام کمال کے درمیان بھی سخت مقابلہ ہے۔ پی بی 49 میں بلوچستان عوامی پارٹی کے امیدوار سردار محمد صالح بھوتانی اور پیپلزپارٹی کے امیدوار شریف پالاری کے درمیان سخت مقابلہ ہوگا۔ اس کے علاوہ قومی اسمبلی کے حلقہ 272 پر 13 امیدوار جن میں آزاد امیدوار محمد اسلم بھوتانی، ’باپ ‘کے جام کمال خان، بی این پی کے سردار اختر جان، ایم ایم اے کے مفتی اللہ بخش گونگو، پی ایس پی کے اکرم آورانی، تحریک لبیک کے وزیر احمد نورانی اور نواب بزنجو و دیگر میدان میں ہیں۔ تاہم اصل مقابلہ محمد اسلم بھوتانی، اختر جان مینگل اور جام کمال خان ک درمیان ہے۔
