فرمان الہی
نماز کے اوقات
مسلم لیگ ن کے صدر شہبازشریف نے کوئٹہ پہنچ کر نوابزادہ سراج رئیسانی کے ورثا اور دیگر شہدا کے لواحقین سے تعزیت اور فاتحہ خوانی کی ۔
تعزیت کے بعد میڈیا سے گفتگو میں شہبازشریف نے کہا کہ پوری قوم سوگوار ہے۔عمران خان کو ایسے موقع پر غیر سنجیدہ بات اور سیاست نہیں کرنی چاہیے ۔
ن لیگی صدر نے مستونگ دھماکے کے سوگ میں آج سوات میں جلسہ منسوخ کیا اور تعزیت کےلئے کوئٹہ پہنچےاور کہا کہ کل سوات کے علاقے منگلور میں جلسہ عام کریں گے ۔
انہوں نے کہا کہ ملک میں ایک سیاسی جماعت کو سیاسی سرگرمیوں کی اجازت ہے، باقی سب جماعتوں کو مشکل کا سامنا کرنا پڑرہا ہے۔
شہبازشریف نے یہ بھی کہا کہ اگر الیکشن کے عمل کو متنازع بنایا گیاتو ملک کو نا قابل تلافی نقصان ہو گا، تمام مسائل کا حل صاف اور شفاف انتخابات میں ہے۔
ان کا مزید کہناتھاکہ مستونگ واقعہ انتہائی افسوسناک ہے،خود کش دھماکے میں ملوث عناصر کو قرار واقعی سزادی جائے ۔،میں نوابزادہ لشکری رئیسانی کے ٹروتھ کمیشن کےقیام کی تجویز پراتفاق کرتاہوں۔
