فرمان الہی
نماز کے اوقات
کراچی ( اسٹاف رپورٹر)پاکستان پیپلز پارٹی سندھ کے جنرل سیکریٹری وقار مہدی نے کہا ہے کہ 25 جولائی کو قوم ایک بار پھر شہید قائد عوام ذوالفقار علی بھٹو اور شہید محترمہ بے نظیر بھٹو کے مشن کو کامیاب بنائے گی، پیپلز پارٹی غریب، مزدوروں اور کسانوں سمیت مفلوک الحال لوگوں کو بااختیار اور اقتدار میں شراکت دار بنائے گی۔ ان خیالات کا اظہار انہوں نے کورنگی میں ایک عوامی اجتماع سے خطاب کرتے ہوئے کیا۔ اس موقع پر پیپلز پارٹی کے نامزد اُمیدوار قومی اسمبلی حلقہ NA-241صاحبزادہ معظم قریشی، PS-96 کے اُمیدوار اسد مجاہد، ضلع پی پی پی ضلع کورنگی کے صدر جاوید شیخ ،جنرل سیکریٹری چوہدری اصغر آرائیں ،سیکریٹری اطلاعات جانی میمن اور سٹی ایریا کے صدر کوثر عابدی اور دیگر نے بھی خطاب کیا۔ عوامی اجتماع میں کورنگی میں آباد قریشی برادری نے پیپلز پارٹی کی مکمل حمایت کا اعلان کیا۔
