فرمان الہی
نماز کے اوقات
لندن (نیوز ڈیسک) جوکووک نے چوتھی بار ومبلڈن ٹرافی قبضے میں کرلی، سربیئن سٹار نے کھوئی ہوئی فارم حاصل کرتے ہوئے کیریئر کا13واں گرینڈ سلم جیت لیا، سابق عالمی نمبرون نے مینز سنگلز کے فائنل میں جنوبی افریقی حریف کیون اینڈرسن کو6-2,6-2 اور 7-6 (7/3) سے ٹھکانے لگا دیا، دوسری جانب فائنل میں شکست سے دوچار اینڈرسن97 برسوں میں پہلی بار ومبلڈن کے فائنل میں پہنچنے والے پہلے جنوبی افریقی بنے تھے، تاہم وہ اپنے ملک کے پہلے فاتح بننے کا اعزاز حاصل نہیں کرپائے، اس سے قبل ویمنز ڈبلز ٹائٹل جمہوریہ چیک کی باربورا کرائچیکووا اور کیٹرینا سینا کووا نے جیت لیا، انہوں نے فائنل میں امریکہ کی نکول میلیچر اور جمہوریہ چیک سے تعلق رکھنے والی کیوٹا پیشکے پر غلبہ پالیا، ان کی جیت کا سکور6-4,4-6اور6-0رہا، مینز ڈبلز ٹرافی امریکی کھلاڑی مائیک برائن نے جیک سوک کی سنگت میں جیت، لی انہوں نے فیصلہ کن معرکے میں جنوبی افریقی پلیئر ریوین کلیسن اور کیوی کھلاڑی مائیکل وینس کو مات دے دی۔
