نواز، مریم ، صفدر کے گھر کو سب جیل قرار دینے کی درخواست

نوازشریف، مریم نواز اور کیپٹن ریٹائرڈصفدر کے گھر کو سب جیل قرار دینے کے لیے سپریم کورٹ لاہور رجسٹری میں درخواست دائر کر دی گئی۔

نواز شریف کی جانب سے بیرسٹر ظفر اللہ نے سپریم کورٹ لاہور رجسٹری میں درخواست دائر کی ہے جس میں وفاقی حکومت ،چیف سیکریٹری پنجاب، ہوم سیکریٹری اور آئی جی جیل خانہ جات کو فریق بنایا گیا ہے ۔

اہم خبریں - نوازشریف کی طبیعت خراب،ڈاکٹروں کی ایڈوئس پر آج جیل سے ہسپتال منتقل کیا جائیگا - Today's Paper

اسلام آباد،راولپنڈی(طاہر خلیل،وسیم اختر) ڈاکٹروں کی ایڈوائس پر نوازشریف کو آج اڈیالہ جیل سے ہسپتال منتقل...

درخواست گزار کے مطابق نواز شریف تین بار اس ملک کے وزیر اعظم رہ چکے ہیں اور ان کے خلاف ابھی احتساب عدالت میں ریفرنس زیر التواء ہیں۔

لہذا قانونی طور پر ان کے گھر کو سب جیل قرار دیا جا سکتا ہے۔

بیرسٹر ظفر اللہ نے درخواست میں استدعا کی کہ نواز شریف، مریم نواز اور کیپٹن ریٹائرڈ صفدر کے گھر کو ہی سب جیل قرار دینے کا حکم دیا جائے۔

واضح رہے کہ گزشتہ روز نوازشریف کی طبیعت خراب ہونے پر میجر جنرل ریٹائرڈ اظہر کیانی کی قیادت میں ڈاکٹروں کے ایک بورڈ نے جیل انتظامیہ کی درخواست پر ان کا جیل میں طبی معائنہ کیا تھا۔