• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف پر ڈیل کا الزام شرمناک، مقصد ووٹرز کو پریشان کرنا ہے،مریم اورنگزیب

آج کا اخبار
اہم خبریں
25 جولائی ، 2018
اسلام آباد(مانیٹرنگ سیل) ترجمان مسلم لیگ (ن) مریم اورنگزیب کا کہنا ہے کہ نوازشریف کی ڈیل سے متعلق خبریں من گھڑت اور بے بنیاد ہیں ان پر ڈیل کا الزام شرمناک ہے جس کا مقصد ووٹرز کو پریشان کرنا ہے، آج منفی پروپیگنڈے دم توڑ جائیں گے اور ووٹ کو عزت دو کا تاریخی فیصلہ آئے گا۔مسلم لیگ (ن) کی ترجمان مریم اورنگزیب نے میڈیا کو جاری بیان میں کہا ہے کہ نواز شریف کے خلاف میڈیا کا ایک مخصوص حصہ جھوٹی اور من گھڑت خبریں چلا کر انتخابی نتائج پر اثر انداز ہونے کی کوشش کررہا ہے، الیکشن کمیشن کو انتخابی مہم کا وقت ختم ہونے کے بعد کسی جماعت کے پارٹی قائد کے خلاف منفی مہم کا نوٹس لینا چائیے جس نے بیماری کی حالت میں اسپتال جانے سے انکار کیا، اس ڈیل کا الزام لگانا شرمناک ہے۔ترجمان مسلم لیگ (ن) کا کہنا تھا کہ نوازشریف کے خلاف منفی پروپیگنڈا افسوسناک ہے، ان سے متعلق ڈیل سمیت تمام منفی خبروں کو مسترد کرتے ہیں، دراصل نواز شریف کی ڈیل کی جھوٹی خبریں پھیلانے کا مقصد مسلم لیگ (ن) کے ووٹرز کو پریشان کرنا ہے۔مریم اورنگزیب نے کہا کہ نوازشریف عوام کے ووٹ کی عزت کی خاطر ایک متنازع فیصلے کے باوجود اڈیالہ جیل میں ہیں، 25 جولائی کو تمام منفی پروپیگنڈے دم توڑ جائیں گے اور ووٹ کو عزت دو کا تاریخی فیصلہ آئے گا۔
تازہ ترین