فرمان الہی
نماز کے اوقات
لاہور میں پولیس نے سابق پولیس انسپکٹر عابد باکسر کے دو گن مین کو گرفتار کر لیا ہے۔
لاہور پولیس نے سپریم کورٹ رجسٹری کے باہرسے سابق پولیس انسپکٹر عابدباکسر کے ساتھ آنے والے دوافراد سے اسلحہ برآمدکر کے انہیں گرفتار کرلیا۔
پولیس کے مطابق سپریم کورٹ لاہوررجسٹری کے سامنے سے دو مشکوک افراد کی تلاشی لی گئی تو ان سے اسلحہ برآمد ہو ا، دونوں افراد سے دو پستول برآمد ہوئے ہیں۔
پولیس نے دونوں افراد کو حراست میں لے کر متعلقہ تھانے منتقل کردیا۔
پولیس کے مطابق دونوں ملزمان کی شناخت ارشد اور شیراز کے نام سے ہوئی ہے جو بھاٹی گیٹ کے رہائشی اور سابق انسپکٹر پولیس عابد باکسر کے گن مین ہیں۔
پولیس نے عابد باکسر کے 2گن مین کی گرفتاری کا مقدمہ درج کر کے مزید تفتیش شروع کر دی ہے۔
