فرمان الہی
نماز کے اوقات
سان جوز ( جنگ نیوز) امریکہ کی وینس ولیمز نے زور دار کم بیک کرتے ہوئے سلیکون ویلی ٹینس چیمپئن شپ کے کوارٹر فائنل میں رسائی حاصل کرلی۔ برطانیہ کی ہیتھر واٹسن سخت مزاحمت کے بعد شکست کھاگئیں۔ وینس نے مقابلہ ایک ایک سے برابر رہنے کے بعد فیصلہ کن سیٹ میں اپنی فارم حاصل کرتے ہوئے واٹسن کو 6-4 ،4-6 ،6-0 سے شکست دے دی۔38 سالہ وینس نے میچ میں چھ بار واٹسن کی سروس توڑی۔ سنسنی خیز مقابلہ دو گھنٹے جاری رہا۔ سات بار کی گرینڈ سلم چیمپئن کا اگلا مقابلہ یونان کی ماریا سیکاری سے ہوگا جنہوں نے ہنگری کی تميا بابوس کو 6-0 ،6-1 سے شکست دی۔ ادھر مینز ایونٹ میں برطانیہ کے اینڈی مرے نے ایک اور مشکل مرحلہ عبور کرلیا۔ تین گھنٹے کے اتار چڑھائو سے میچ میں انہوں نے رومانیہ کے عالمی 93پلیئر ماریئس کوپل کو 6-7 (5/7)، 6-3، 7-6 (7/4) سے ہرا کر کوارٹر فائنل میں نشست پکی کرلی۔تین گرینڈ سلم ٹائٹلز کے فاتح سابق عالمی نمبر ایک مرے فتح کے بعد جذبات پر قابو نہیں پاسکے ۔ جاپان کے کائی نشیکوری نے کینیڈین حریف ڈینس شاپولوف پر اسٹریٹ سیٹس میں ہاتھ صاف کیا۔ امریکا کے جان اسنر نے ہم وطن روبن کو فارغ کیا ۔ دریں اثنا زیوریف برداران کی جنگ میں الیگزینڈر سرخرو ہوگئے۔ انہوں نے پری کوارٹر فائنل میں میشکا کو اسٹریٹ سیٹس میں 6-3 اور 7-5 سے ہرادیا۔
