فرمان الہی
نماز کے اوقات
کراچی (اسٹاف رپورٹر) پاکستانی ہاکی کھلاڑیوں کا احتجاج اور کوششیں رنگ لے آئیں۔ بدھ کوپاکستان ہاکی فیڈریشن نے کھلاڑیوں اور آفیشلز کے مکمل واجبات ادا کر دیے۔ پی ایچ ایف اعلامیے کے مطابق صدر بریگیڈیئر (ر) خالد سجاد کھوکھر نے ذاتی حیثیت میں فنڈز کا انتظام کیا ہے۔ خالد کھوکھر نے کھلاڑیوں کے نام پیغام میں کہا ہے کہ وعدے کے مطابق ایشین گیمز سے قبل کھلاڑیوں کے بقایاجات ادا کرنے کا وعدہ پورا کر دیا۔ پاکستانی ٹیم ایشین گیمز میں بھارت کو ہرا کر قوم کو تحفہ دیں۔ پی ایچ ایف ترجمان کا کہنا ہے کہ کھلاڑیوں کے واجبات ان کے اکائونٹس میں منتقل کر دیے گئے ہیں۔ غیرملکی اسٹاف کو بھی ادائیگیاں کر دی گئیں۔ خالد کھوکھر نے کھلاڑیوں کو یاد دلایا کہ ہم نے اپنا عہد پورا کر دیا، اب کھلاڑی اپنا وعدہ پورا کرتے ہوئے گولڈ میڈل جیت کر لائیں۔ ایشین گیمز میں بھارت کو ہرا کر قوم کو تحفہ دیں۔ فنڈز کے حوالے سے اسپانسرز کے ساتھ بھی رابطے میں ہیں۔ قومی کھیل میں بہتری کے لیے نجی سیکٹر سے مدد لے رہے ہیں۔
