• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشین گیمز ہاکی جیت کر عالمی رینکنگ بہتر بنائیں گے،حسن سردار

آج کا اخبار
اسپورٹس
13 اگست ، 2018
کراچی (اسٹاف رپورٹر) پاکستانی ہاکی ٹیم کے منیجر اور ماضی کے عظیم سینٹر فارورڈ حسن سردار کا کہنا ہے کہ ہماری محنت رنگ لارہی ہے۔ اگر ہم ورلڈ چیمپئن اور اولمپک چیمپئن کو سخت مقابلہ دے سکتے ہیں تو ہم ایشین گیمز بھی جیت سکتے ہیں اور بھارت کو بھی شکست دے سکتے ہیں۔ اتوار کوایک انٹر ویو میں حسن سردار نے کہا کہ گذشتہ چار ماہ سے رولینٹ اولٹمنز ، ثقلین اور ریحان بٹ کی کوششوں سے پاکستان ٹیم کی کارکردگی میں بہتری آرہی ہے۔ مجھے امید ہے کہ ہم ایشین گیمز میں ماضی کی ناکامیوں کا ازالہ کریں گے اور اچھی کارکردگی دکھائیں گے۔ ہماری اس وقت عالمی رینکنگ13 ویں ہے ہم ایشین گیمز جیتنے کے ساتھ ساتھ اپنی رینکنگ کو بھی بہترکریں گے۔ انہوں نے کہا کہ اس وقت دنیا میں کوئی ٹیم آسان نہیں ہے۔ ہاکی کا کھیل فاسٹ اور فٹ بال کی طرح تیز ٹیمپو میں کھیلا جاتا ہے۔ دنیا میں ہاکی کھیلنے والے ملک بڑھ گئے ہیں۔ ایشین گیمز میں ملائشیا، جاپان، کوریا کے علاوہ پاکستان اور بھارت کی ٹیمیں مضبوط ہیں۔
تازہ ترین