• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیرپور ناتھن شاہ : دادو کینال میں گرنے والی 2 لڑکیوں میںسے ایک جاں بحق

آج کا اخبار
سندھ بھر سے
15 اگست ، 2018
خیرپورناتھن شاہ(نامہ نگار) کچے میں واقع گاؤں سندھو لاکھیر کے مقام پر گذرنے والے دادو کینال کے کنارے پر کھیلنے کے دوران اچانک پاؤں پھسل جانے سے دو لڑکیاں دس سالہ حلیمہ لاکھیر اور آٹھ سالہ نشاء لاکھیرکینال میں گرگئیں جبکہ وہاں پر موجود بچوں کے چلانے پر دیہاتیوں نے پہنچ کر ایک لڑکی حلیمہ کو فوری طور پر پانی سے باہر نکال کر بچالیا تاہم دوسری لڑکی نشاء پانی میں ڈوب گئی۔ اطلاع ملنے پر ورثاء اور شاہ پنجو سلطان پولیس نے جائے وقوع پر پہنچنے کے بعد غوطہ خوروں کے ذریعے لڑکی کی لاش کی تلاش شروع کردی۔ دریں اثناء رادھن اسٹیشن میں واقع ہنگورہ محلہ کی دو کمسن لڑکیاں تین سالہ زہرہ جانوری اور اسکی کزن دو سالہ آیت بتول جانوری گیسٹرو کی بیماری میں مبتلا ہونے کے بعد جاں بحق ہوگئیں۔ علاوہ ازیں گاؤں پیارو آرائیں کا رہنے والا نظام الدین جسے ورثاء نے گیسٹرو کی بیماری میں مبتلا ہونے کے بعد علاج کیلئے ضلعی سول اسپتال میں داخل کرایا تھا اسپتال میں ایمرجنسی میل وارڈ میں ہلاک ہوگیا۔
تازہ ترین