• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
,

’بجرنگی بھائی جان‘ چین کے بعد ترکی میں بھی ریلیز


سلمان خان کی فلم ’بجرنگی بھائی جان ‘ کو چین میں کامیابی کے بعد ترکی میں بھی ریلیز کردیا گیا۔

دبنگ خان نے بھی اپنی فلم ’بجرنگی بھائی جان ‘ کو چین میں ریلیز کیا تھا جس نے کامیابی کے جھنڈے گاڑتے ہوئے بھارت سے زیادہ بزنس کیا اور گزشتہ ہفتے ہی انہوں نے اپنی بلاک بسٹر فلم ’سلطان‘ کو بھی چین میں ریلیز کیا تھا اور اب انہوں نے ایک اور انڈسٹری کا رخ کرلیا ہے۔

سلمان خان نے ’بجرنگی بھائی جان ‘ کی چین میں کامیابی کے بعد ترکی میں بھی ریلیز کرنے کا فیصلہ کیا جو درست ثابت ہوا اور ترکی میں بھی ان کی فلم کو بے حد پسند کیا گیا ۔


کبیر خان کی ہدایت کاری میں بننے والی فلم’بجرنگی بھائی جان‘2015میں ریلیز کی گئی تھی جس میں سلمان خان اور کرینہ کپور نے مرکزی کردار ادا کیا تھا .

فلم کی دیگر کاسٹ میں نواز الدین صدیقی اور چائلڈ اسٹار ہرشالی لہوترا شامل ہیں۔

فلم’بجرنگی بھائی جان‘نے باکس آفس پر 320.34 کروڑ کا بزنس کیا تھا۔

انٹرٹینمنٹ سے مزید
انٹرٹینمنٹ سے مزید