فرمان الہی
نماز کے اوقات
ٹھٹھہ(نامہ نگار) حکومت کی جانب سے سرکاری ملازمین کو عید کی خوشیوں میں شامل کرنے کے لیے عیدالاضحیٰ کے موقع پر تنخواہوں کی پیشگی ادائیگی کے باعث ہفتے کے روز نیشنل بینک مین برانچ ٹھٹھہ کے اندر اور باہر تنخواہ داروں اور پینشنرز کا خاصا رش تھا تاہم بینک کے کمپیوٹر سسٹم میں فنی خرابی کے باعث تنخواہ وصول کرنے کے لیے آئے ہوئے سیکڑوں ملازمین اور معمر پنشنرز کو شدید گرمی میں کئی گھنٹے انتظار کرنا پڑا، جبکہ اس دوران بینک کے اندر اور باہر معمر اور کمزور خواتین و مرد پنشنرز اور دیگر سرکاری ملازمین ضعف اور تھکاوٹ کے باعث فرش پر بیٹھے اور لیٹے نظر آئے، جبکہ بعدازاں کئی گھنٹے انتظار کرانے کے بعد بینک عملے کی جانب سے تمام ملازمین اور پنشنرز کو پیر کے روز آنے کا کہا گیا جس کے بعد وہ مایوس ہوکر لوٹ گئے۔
