فرمان الہی
نماز کے اوقات
اسلا م آ با د ( آن لائن ) ملک کی اہم سیاسی و مذہبی شخصیات کون کہاں عید منائے گا ؟مختلف سیاسی شخصیات و وفاقی اور صوبائی وزرا کی اکثریت عیدالاضحی منانے اپنے آبائی علاقوں میں پہنچ چکی ہے ۔ صدر مملکت ممنون حسین کراچی، وزیر اعظم عمران خان اسلام آباد میں عید الاضحی منائیں گے۔ سابق وزیر اعظم نواز شریف،مریم نواز اور صفدر عیدالاضحی اڈیالہ جیل میں منائیں گے وزارت عظمیٰ کے عہدے سے علیحدہ ہونے کے بعد نواز شریف کی پہلی عید ہو گی جو وہ جیل میں منائیں گے۔ سابق وزیر اعظم خاقان عباسی مری میں،وزیر خزانہ اسد عمر اسلام آباد میں،آصف علی زرداری نواب شاہ میں عیدالاضحی منائیں گے ، سیّد خورشید شاہ سکھرمیں عید منائیں گے۔وزیر اعلیٰ پنجاب عثمان بزدار لاہور میں جبکہ سابق وزیر اعلیٰ پنجاب میاں شہباز شریف، حمزہ شہباز عید الاضحی جاتی امرا رائے ونڈ میں منائیں گے اسپیکر قومی اسمبلی اسد قیصر صوابی کے پی کے میں جبکہ سابق اسپیکر قومی اسمبلی ایاز صادق لاہور میں،وزیر دفاع پرویز خٹک عید الاضحی نوشہرہ میں اپنے آبائی گائوں مانکی شریف میں منائیں گے۔ وفاقی وزیر اطلاعات و نشریات فواد چوہدری جہلم میں، سابق وزیر ریلوے خواجہ سعد رفیق عید لاہور میں منائیں گے۔ سابق اسپیکر پنجاب اسمبلی رانا اقبال پھول نگر میں عیدالا ضحی منائیں گے۔ سابق صدر پرویز مشرف نے عید الا ضحی بیرون ملک منائی۔پیپلزپارٹی کے چیئرمین بلاول بھٹو زرداری لاڑکانہ میں عید الاضحی منائینگے۔ سابق وزیر اعظم یوسف رضا گیلانی مخدوم جاوید ہاشمی،وزیر خارجہ مخدوم شاہ محمود قریشی عید الاضحی اپنے آبائی شہر ملتان میں منائینگے۔ ڈاکٹر عبدالقدیر خان اسلام آباد، وفاقی وزیر محنت عامر محمود کیانی،سابق وزیر داخلہ چوہدری نثار علی خان،وفاقی وزیر ریلوے شیخ رشید احمد راولپنڈی، اسپیکر پنجاب اسمبلی چوہدری پرویز الٰہی اور چوہدری شجاعت حسین گجرات میں نماز عید کی ادائیگی کے بعد قربانی کا فریضہ ادا کریں گے ،جماعت اسلامی پاکستان کے امیر سراج الحق منصورہ لاہورمیں عید الاضحی منائینگے، جماعت الدعوۃ کے رہنما پروفیسر حافظ محمد سعید عید الاضحی لاہور میںعید الاضحی منائیں گے، جمعیت علماء اسلام کے مولانا فضل الرحمن ڈیرہ اسماعیل خان، وزیر اعلیٰ سندھ مراد علی شاہ ،وفاقی وزیر مواصلات و انفارمیشن خالد مقبول صدیقی اور وفاقی وزیر قانون و انصاف بیرسٹر فروغ نسیم کراچی میں عیدالاضحی منائیں گے۔
