• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گوادر، ایم بی آر اور سٹلمنٹ ڈپارٹمنٹ زمینوں کی بندربانٹ میں مصروف

آج کا اخبار
ملک بھر سے
31 اگست ، 2018
گوادر (نامہ نگار ) گوادر کے چاتانی بل اور زبادڈن میں ایم بی آر اور سٹلمنٹ ڈپارٹمنٹ کی سربراہی میں زمینوں کی بندربانٹ کی جارہی ہے۔ زبادڈن اور چاتانی بل موضع جات میں سٹلمنٹ افسران پٹواری ملی بھگت کرکے مقامی زمینداروں کی جدی پشتی زمین اپنے من پسند بااثر افراد کے نام پر اندراج کررہے ہیں۔ بلوچستان عوامی پارٹی کے مرکزی رہنما میر یعقوب بزنجو نے متاثرہ مقامی زمینداروں کے وفد سے گفتگو کرتے ہوئے کہا کہ زبادڈن اور چاتانی بل میں ری سٹلمنٹ میںکرپٹ مافیا، لینڈ مافیا کو مقامی فراد کی حق تلفی کرنے کی اجازت نہیں دیں گے، وزیر اعلیٰ بلوچستان ری سٹلمنٹ کو روک کر کرپٹ افسران اور پٹواریوں کا تبادلہ کرکے مخلص اور ایماندار افسران اور عملے کو مقررکرکے سٹلمنٹ کرائیں۔
تازہ ترین