محمد میاں سومرو حلف اٹھائے بغیر کراچی روانہ

پاکستان تحریک انصاف کے محمد میاں سومرو وزارت کا حلف اٹھائے بغیر اسلام آباد سے کراچی روانہ ہوگئے، ذرائع کے مطابق  محمد میاں سومرو نے وزیر مملکت بنائے جانے پر حلف نہیں اٹھایا ہے۔

ذرائع نے بتایا ہے کہ حکومت نے محمد میاں سومرو کو وفاقی وزیر برائے نجکاری بنانے کا اعلان کیا تھا،حلف برداری سے کچھ دیر قبل انہیں وزیر مملکت کا عہدہ دینے سے متعلق آگاہ کیا گیا۔

واضح رہے کہ اس سے قبل محمد میاں سومرو قائم مقام صدر اور چیئرمین سینیٹ سمیت اہم ترین عہدوں پر فائر رہے ہیں۔

قریبی ذرائع کا کہنا ہے محمد میاں سومرو کا اپنا مؤقف یہ ہے کہ اعلیٰ ترین عہدوں پر رہنے والے شخص کے لیے وزیرمملکت بننا مناسب نہیں۔