• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا کی جنوب مشرقی ریاستوں میں سمندری طوفان کا خطرہ

تازہ ترین
بین الاقوامی خبریں
12 ستمبر ، 2018


امریکی جنوب مشرقی ریاستوں کے ساحلی علاقوں میں سمندری طوفان فلورینس کا خطرہ، طوفان کل نارتھ اور ساؤتھ کیرولائنا کی ساحلی پٹی سے ٹکرائے گا،جبکہ نارتھ کیرولائنا، ساؤتھ کیرولائنا، ورجینیا، میری لینڈ اور واشنگٹن میں ہنگامی صورتحال نافذ کردی گئی ہے۔

نارتھ کیرولائنا میں 10 لاکھ افراد کو نقل مکانی کے احکامات دے دیئے گئے ہیں ، ساحلی علاقوں میں موجود لوگوں نے محفوظ مقام پر نقل مکانی شروع بھی کردی ہے۔

ماہرین موسمیات کے مطابق ساحلی پٹی سے ٹکرانے سے قبل طوفان کے راستے میں آنے والے علاقوں میں تیز ہوائیں چلنا شروع ہوجائیں گی ،جبکہ سمندر میں لہریں بلند ہونےکا بھی امکان ہے ۔

ذرائع کے مطابق ان علاقوں میں تیز بارشیں اور سیلاب کی وارننگ بھی جاری کی گئی ہے۔

تازہ ترین