• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے7تھانوںمیں خواتین نائب محرر تعینات

میرا شہر
اسلام آباد
13 ستمبر ، 2018
راولپنڈی (سٹاف رپورٹر)انسپکٹر جنرل آف پولیس پنجاب کے حکم پر عمل کرتے ہوئے راولپنڈی کے7 پولیس سٹیشنوں میں خواتین نائب محرروں کو تعینات کر دیا گیا۔ سٹی پولیس آفیسر راولپنڈی عباس احسن نے ابتدائی طور پر راولپنڈی ضلع کے سات تھانوں میں لیڈی محرروں کی تعیناتی کے احکامات جاری کردئیے ہیں ان احکامات کی روشنی میں ہیڈکانسٹیبل غزالہ شاہین کو تھانہ گوجرخان، منیبہ بیگم کو تھانہ آر اے بازار، طیبہ نور کو تھانہ نیوٹاؤن، انعم نصیب کو تھانہ وارث خان، کشور ناز کو تھانہ رتہ امرال، مہوش النساء کو تھانہ صادق آباد اور حمیرا نواز کو تھانہ چونترہ میں نائب محرر تعینات کیا گیا ہے۔ یادرہے کہ 2015میں اس وقت کے آئی جی پولیس پنجاب مشتاق احمدسکھیرانے بھی صوبے کے تمام پولیس سٹیشنوں میں خواتین نائب محررتعینات کرنے کے احکامات جاری کئے تھے اوران کے حکم پریہ تجربہ کیاگیاتھالیکن اس تجربہ کے خاطرخواہ نتائج برآمدنہیں ہوئے تھےاورتعیناتی کےکچھ ہی عرصہ بعدخواتین محرروں کی اکثریت تھانوں سے غیرحاضررہنے لگی تھی ۔
تازہ ترین