• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی ڈویژن میں ایکسائز افسران کی تقرریاں و تبادلے

میرا شہر
اسلام آباد
15 ستمبر ، 2018
راولپنڈی (اپنے نامہ نگار سے ) محکمہ ایکسائز اینڈ ٹیکسیشن نے پنجاب بھر خصوصاً راولپنڈی ڈویژن میں ایکسائز افسران کی بڑی تعداد میں تقرریاں اور تبادلے کرنے کیساتھ ساتھ راولپنڈی کی موٹر برانچ میں موٹر رجسٹرنگ اتھارٹی (ایم آر اے) اور ایکسائز شعبہ میں ای ٹی اوز کی دو ، دو پوسٹیں کر دی ہیں ، موٹر رجسٹرنگ اتھارٹی میں ایم آر اے ون اور ٹو کا نام دیا گیا ہے ، حال ہی میں راولپنڈ ی ایم آر اے کی پوسٹ سے منڈی بہائوالدین بھجوائے گئے او پی ایس پر تعینات ای ٹی او امجد علی خان کو دوبارہ راولپنڈی میں ایم آر اے ون لگا دیا گیا ہے جبکہ ایم آر اے ٹو کی پوسٹ پر اوپی ایس پر اے ای ٹی او سہیل صابر کولگا دیا گیا ہے، راولپنڈی میں تعینات موٹر رجسٹرنگ اتھارٹی چوہدری مسعود بشیر وڑائچ کو ای ٹی او ایکسائز ٹو جبکہ پہلے سے راولپنڈی میں تعینات ای ٹی او ایکسائز محمد سمیر کو ای ٹی او مری بروری لگا دیا گیا ہے، راولپنڈی میں تعینات ای ٹی او پراپرٹی ٹیکس زون ٹو ملک نعمان خالد کو لاہور میں ای ٹی او ایکسائز ون لگا دیا گیا ہے جبکہ یہاں پر تعینات ای ٹی او ارشد مجید کو ای ٹی او ایکسائز ٹو لاہور لگا دیا گیا ہے، ای ٹی او گوجرانوالہ ملک محمد سلیم کو ای ٹی او جہلم جبکہ یہاں او پی ایس پر تعینات ای ٹی او اورنگ زیب خان کو راولپنڈی میں پراپرٹی ٹیکس زون تھری کی خالی پوسٹ پر او پی ایس پر ای ٹی او لگا دیا گیا ہے، ای ٹی او موٹر برانچ (علی کمپلکس) لاہور محمد اسلم اور عرفان مسعود غوری زون 15ریجن بی لاہور کا باہمی تبادلہ کیا گیا ہے، ای ٹی او سہیل اختر بزدار کو خانیوال سے موٹر رجسٹرنگ اتھارٹی ملتان لگا دیا گیا ہے انکے پاس خانیوال کے ای ٹی او کا بھی اضافی چارج ہوگا،ڈائریکٹر جنرل ایکسائز اینڈ ٹیکسیشن پنجاب محمد اشرف گوندل کی طرف سے جاری احکامات میں تبدیل ہونیوالے تمام افسران کو موجودہ پوسٹوں سے ریلیو بھی کر دیا گیا ہے ۔
تازہ ترین