فرمان الہی
نماز کے اوقات
کراچی (اسٹاف رپورٹر) قائد اعظم ٹرافی کے چوتھے رائونڈ میں جمعے کو ہوم گرائونڈ پر ملتان نے زرعی ترقیاتی بینک کو اننگز اور 84 رنز جبکہ ایبٹ آباد میں فاٹا نے ایچ بی ایل کو 233 رنز سے شکست دے دی۔ ایل سی سی اے گرائونڈ پر لاہور بلیوز اور کے آر ایل کا میچ نتیجہ خیز ثابت نہ ہوسکا۔ جمعے کو ملتان نے زرعی بینک کی ٹیم کو اپنے پہلی اننگز کے اسکور نو وکٹ پر 486 رنز کے جواب میں پہلی اننگز میں 223 پر آئوٹ کرنے کے بعد دوسری اننگز میں 179 رنز پر ڈھیر کردیا۔ ایبٹ آباد میں فاٹا نے ایچ بی ایل کو دوسری اننگز میں 106 رنز پر آئوٹ کردیا، آصف آفریدی نے 36 رنز کے عوض چھ وکٹ لیے۔ فاٹا کے437 رنز کے جواب میں بینک کی ٹیم نے پہلی اننگز میں 356 رنز بنائے تھے۔
