• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہاکی،تین ٹیمیں سیمی فائنل میں، مبشر کی ہیٹ ٹرک

آج کا اخبار
اسپورٹس
04 اکتوبر ، 2018
کراچی(اسٹاف رپورٹر) چیف آف نیول اسٹاف آل پاکستان ہاکی ٹور نامنٹ میں پول اے سے نیشنل بنک، اور پول بی سے سوئی سدرن گیس ،پاکستان واپڈا نے سیمی فائنل میں رسائی حاصل کر لی،ان میچوں میں سوئی سدرن گیس کے مبشر علی نے تین گول کے ساتھ ہیٹ ٹرک بنائی،نیوی کے شہباز نے دو گول اسکور کئے۔نیشنل بینک نے سوئی نادرن کو 1-3 سے،دوسرے میچ میں سوئی سدرن نے پولیس کو 1-7 سے جبکہ تیسرے میچ میں پاکستان نیوی نے پورٹ قاسم کو 0-2 سے ہرادیا.پہلا میچ جو کہ نیشنل بینک اور سوئی نادرن کے درمیان کھیلا گیا مزکورہ میچ میں نیشنل بینک کی جانب سے جنید منظور،بلال قادر اور عامر علی نے ایک ایک گول اسکور کیا. جبکہ سوئی نادرن کی جانب سے واحد گول داؤد نے کیا.دوسرےمیچ میں سوئی سدرن نے پولیس کو 1-7 سے ہرایا.سوئی سدرن کی جانب سے مبشر نے تینرانا سہیل،رضوان جونیئر،ذیشان بخاری،محمد رضوان نے ایک ایک گول اسکور کیا.جبکہ پولیس کی جانب سے واحد گول شہباز کرنےمیں کامیاب ہوئے.تیسرا میچ پاکستان نیوی اور پورٹ قاسم کے درمیان کھیلا گیا جس میں پاکستان نیوی نے پورٹ قاسم کو 0-2 سے ہرادیا. پاکستان نیوی کی جانب سےدونوں گول شہباز نے کئے.پاکستان نیوی سیمی فائنل میں کوالیفائی کیلئے سوئی نادرن سے میچ کھیلے گی۔
تازہ ترین