• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آل پاکستان انٹربورڈ گرلز ہاکی چیمپئن شپ لاہور نے جیت لی

آج کا اخبار
اسپورٹس
07 اکتوبر ، 2018
کراچی (شکیل یامین کانگا /اسٹاف رپورٹر) ثانوی تعلیمی بورڈ کراچی کے تحت آل پاکستان انٹر بورڈ گرلز ہاکی چیمپئن شپ کے فائنل میں لاہور نے مردان کو 3-0سے شکست دیکر چیمپئن شپ جیت لی۔۔ عبدالستار ایدھی ہاکی اسٹیڈیم میں کھیلے گئے فائنل میچ میں لاہور بورڈ کی ٹیم چھائی رہی اور مخالف ٹیم کو گول کرنے کا کوئی موقع نہ دیا۔ لاہور نے 3-0 کی فتح کے ساتھ چیمپئن شپ جیتنے کا اعزاز حاصل کیا۔ صائمہ وارث نے دو جبکہ علیشا نے ایک گول کیا۔ چیمپئن شپ کا آغاز 2اکتوبر سے ہوا تھا جس میں ملک بھر کی گرلز ہاکی ٹیموں نے حصہ لیا۔ چیمپئن شپ میں تیسری اور چوتھی پوزیشن کیلئے ملتان نے سکھر بورڈ کو سنسنی خیز مقابلے کے بعد پینلٹی اسٹروک پر 3-0سے شکست دی۔
تازہ ترین