فرمان الہی
نماز کے اوقات
دوسرےچیف آف دی نیول اسٹاف آل پاکستان ہاکی ٹورنامنٹ کے فائنل میں نیشنل بنک کی ٹیم نے واپڈا کو ہرا کر ٹائٹل اپنے نام کرلیا، واپڈا کی ٹیم دوسرے نمبر پر رہی، اس طرح یہ ٹورنامنٹ اپنے اختتام کو پہنچی۔
پاک بحریہ کے ترجمان کے مطابق نیشنل ہاکی اسٹیڈیم لاہور میں منعقدہ ٹورنامنٹ میں ملک کی آٹھ بہترین ٹیموں نے حصہ لیا۔
وائس چیف آف نیول اسٹاف،وائس ایڈمرل کلیم شوکت اختتامی تقریب کے مہمان خصوصی تھے -ایونٹ میں شریک تمام ٹیموں نے بہترین پرفارمنس کا مظاہرہ کیا ، بعدازاں مہمان خصوصی وائس چیف آف نیول اسٹاف،وائس ایڈمرل کلیم شوکت نے ٹیموں اور کھلاڑیوں میں انعامات تقسیم کئے۔
پہلی،دوسری اور تیسری پوزیشن حاصل کرنے والی ٹیموں کو بالترتیب 5 لاکھ ،3 لاکھ اور 2لاکھ روپے کے نقد انعامات سے بھی نوازا گیا۔ترجمان پاک بحریہ کے مطابق، پاکستان ہاکی کے درخشاں ماضی کو سامنے رکھتے ہوئے پاک بحریہ نے ملک میں ہاکی کے فروغ کا عزم کررکھا ہے۔
