سیالکوٹ میں بھی مزدور کا جعلی اکاؤنٹ سامنے آگیا، کروڑوں روپے کی منتقلی

آج کا اخبار

اہم خبریں

14 اکتوبر ، 2018

سیالکوٹ(مانیٹرنگ سیل)مزدوری پیشہ شہری کے نام پر جعلی بینک اکاؤنٹ ہونے اور اس سے کروڑوں روپے ٹرانزیکشنز کا انکشاف ہوا ہے۔سیالکوٹ میں شہری اکاؤنٹ کھلوانے کے لیے ایک بینک گیا تو پتا چلا کہ لاہور میں اس کے نام سے پہلے ہی اکاؤنٹ چل رہا ہے، بینک سے اسٹیٹمنٹ حاصل کی تو معلوم ہوا کہ لاہور میں موجود اکاؤنٹ سے کروڑوں روپے کی ٹرانزکشنز ہوئی ہیں۔ اکاؤنٹ میں سوات، مینگورہ اور کراچی سے بڑی تعداد میں رقوم منتقل کی گئی ہیں۔75صفات پر مبنی بینک اسٹیٹمنٹکے مطابق 7کروڑ 44لاکھ 76 ہزار 322روپے کی ٹرانزکشن ہوئی ہے۔بنک نے شہری کے شناختی کارڈ اور اکاؤنٹ کے غلط استعمال کا تصدیقی لیٹر جاری کر دیا۔ متاثرہ نوجوان کا کہنا ہے کہ 4 مہینے سے ایف آئی اے کو درخواست دینے کے باوجود کوئی کارروائی عمل میں نہیں آئی، خدشہ ہے کہ اکاؤنٹ دہشت گردی کے لئے استعمال نہ کیا گیا ہو۔ اکاونٹ7 جولائی 2013 کو کھلوایا گیا جبکہ 22 اکتوبر 2014 کو بند کر دیا گیا، اس تمام عرصہ میں نوجوان بیرون مزدروی کر رہا تھا۔

تازہ ترین