• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان نژاد باکسر موبز باجوہ لندن میں وفات پاگئے

آج کا اخبار
یورپ سے
22 اکتوبر ، 2018
مانچسٹر (علامہ عظیم جی) تھائی باکسنگ چیمپئن اور تھائی باکسر، ورلڈ ریکارڈ ہولڈر اور گنیز بک آف ورلڈ ریکارڈ حاصل کرنے والے پاکستان نژاد38سالہ موبز باجوہ(Mubzz Bajwa) لندن میں ایوارڈ حاصل کرتے ہوئے وفات پاگئے۔ مرحوم باجوہ دکھی انسانی خدمت کے لئے لاکھوں پونڈز کی فنڈز ریزنگ کرتے تھے اور ان کی ہر ممکن کوشش ہوتی تھی کہ وہ کسی بھی طرح انسانی بھلائی کے کام کر سکیں۔ ورلڈ ریکارڈ ہولڈر چیمپئن کی موت گذشتہ دنوں 18اکتوبر بروز جمعرات کو اچانک حرکت قلب بند ہونے سے واقع ہوئی۔ مرحوم نے گذشتہ برس برمنگھم میں واقع بچوں کے ہسپتال کے لئے ہزاروں پونڈ کی چیرٹی کی تھی، انہیں ٹریننگ دینے والے چیف انٹرکٹر مسٹر تاز نے کہا کہ مرحوم کی ہمیشہ یہی خواہش تھی کہ وہ کسی طرح دکھی انسانیت کے لئے چیرٹی جمع کر سکیں۔ مرحوم جم میں ٹریننگ کے علاوہ مختلف فلموں میں بطور اسسٹنٹ بھی کام کرتے تھے۔ مرحوم کی وفات پر سیکڑوں مداحوں نے گہرے دکھ کا اظہار کرتے ہوئے مرحوم کی مغفرت کی دعا کی ہے۔
تازہ ترین