فرمان الہی
نماز کے اوقات
کراچی(اسٹاف رپورٹر) مسقط میں کھیلی جانے والی ایشین چیمپئنز ٹرافی ہاکی ٹورنامنٹ میں پاکستانی ہاکی ٹیم اپنا اہم میچ بدھ کو جاپان کے خلاف کھیلے گی۔ٹیم منیجر حسن سردار کے مطابق میزبان اومان کے خلاف 8-1 سے جیت کے بعد قومی ہاکی ٹیم سیمی فائنل میں پہنچ گئی ہے، پاکستان نے ایونت میں دو میچ جیتے ہیں جبکہ ایک میں اسے بھارت کے ہاتھوں شکست کا سامنا کرنا پڑا تھا۔ امان کے خلاف میچ میں پاکستان کی طرف سے فل بیک علیم بلال نے ہیٹ ٹرک کی ۔ بھارت نے ایشین چیمپئن جاپان کو 9-0سے اور ملائیشیا نے جنوبی کوریا کو4-2سے شکست دی۔پاکستانی ہاکی ٹیم کے کپتان محمد رضوان نے کہا ہے کہ ہمارے کھلاڑی ایک ماہ قبل ایشین گیمز میں جاپان کے ہاتھوں سیمی فائنل کی شکست کو ریورس گئیر لگانے کے لئے بے تاب ہیں۔
