• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاہ رخ جتوئی کوجیل میں سہولتیں، چیف جسٹس کے حکم پر معطل جیل سپرنٹنڈنٹ بحال

آج کا اخبار
اہم خبریں
30 اکتوبر ، 2018
کراچی(مانیٹرنگ سیل)محکمہ داخلہ سندھ نے چیف جسٹس کے حکم پر معطل ہونے والے ملیر جیل کے سپرنٹنڈنٹ کو بحال کردیا۔محکمہ داخلہ سندھ کے مطابق ایس پی حسن سہتو دوبارہ جیل سپرنٹنڈنٹ ملیر تعینات، عدالتی معافی ملنے پر بحال کیا گیا،چیف جسٹس پاکستان نے ہفتے کے روز ملیر جیل کا دورہ کیا تھا جہاں انہوں نے شاہ زیب قتل کیس کے مجرم شاہ رخ جتوئی کے کمرے کا بھی معائنہ کیا اور مجرم کو ملنے والی سہولیات پر سخت برہمی کا اظہار کرتے ہوئے اسے ڈیتھ سیل منتقل کرنے کے احکامات دیئے۔چیف جسٹس کے حکم پر شاہ رخ جتوئی لانڈھی جیل سے ڈیتھ سیل منتقل چیف جسٹس نے آئی جی جیل خانہ جات کو بھی اس معاملے پر عدالت طلب کیا تھا اور ذمہ داران کو سزا کی ہدایت کی تھی۔چیف جسٹس پاکستان کی ہدایت پر آئی جی جیل خانہ جات نے سپرنٹنڈنٹ ملیر جیل حسن سہتو کو معطل کرکے عہدے سے ہٹادیا تھا۔ذرائع کے مطابق محکمہ داخلہ سندھ نے جیل سپرنٹنڈنٹ ملیر حسن سہتو کو بحال کردیا جس کا نوٹی فکیشن بھی جاری کردیا گیا ہے۔
تازہ ترین