• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گرفتاری کا خدشہ، حمزہ شہباز کی 13 نومبر تک حفاظتی ضمانت منظور

آج کا اخبار
اہم خبریں
02 نومبر ، 2018
راولپنڈی(مانیٹرنگ ڈیسک)پنجاب اسمبلی میں اپوزیشن لیڈر حمزہ شہباز نے نیب کی جانب سے گرفتاری کے خدشہ کے پیش نظر ہائیکورٹ سے ضمانت قبل از گرفتاری حاصل کرلی۔درخواست میں موقف اختیار کیا گیا کہ کرپشن کے الزامات ثابت نہیں ہوئے، نیب کی جانب سے ہراساں کیا جا رہا ہے،جسٹس علی باقر نجفی کی سربراہی میں لاہور ہائیکورٹ کے2رکنی بینچ نے حمزہ شہباز کی ضمانت قبل از گرفتاری کی درخواست پر سماعت کی۔حمزہ شہباز نے مؤقف اختیار کیا کہ سیاسی نوعیت کے مقدمے میں نیب کی جانب سے گرفتار کیے جانے کا خدشہ ہے اس لیے ضمانت قبل از گرفتاری کی منظوری دی جائے۔درخواست گزار نے مؤقف اختیار کیا ʼنیب کی جانب سے ہراساں کیا جا رہا ہے، کسی قسم کے کرپشن کے الزامات ثابت نہیں ہوئے جب کہ نیب کی جانب سے بلائے جانے پر پیش ہوتا رہا ہوں۔عدالت نے حمزہ شہباز کی 13 نومبر تک حفاظتی ضمانت منظور کرتے ہوئے نیب کو انہیں آئندہ سماعت تک گرفتار نہ کرنے کا حکم دیا۔حمزہ شہباز کی درخواست پر ہائیکورٹ نے نیب کو نوٹس جاری کرتے ہوئے جواب بھی طلب کر لیا۔
تازہ ترین